Friday, April 30, 2010

أن أكون حرا


في عينه تستوي تقاسيم الأرض
جبهتها الشامخة ..جلدها المجعّد .. عيونها الجارية .. كلها سواء
كرسمة أحادية البعد .. منقطة بعدة ألوان
كلما أعتلى هو .. امتزجت تلك الألوان
وكلما اقترب منها .. تدرجت وتزينت بالصبغ الحسان
تمنيتُ ان اكون مثله هو
"الطير"
 تمنيتُ أن أرى العالم بعينه هو
تمنيتُ أن أطير
أن أكون حرا 


المعذرة يا عباس بن فرناس
فقد سخرت منك طوال تلك السنين
لغبائك لقتل نفسك أثر تجربتك للطيران
لم أعلم انك كنت تبحث عن هذا الشعور 
ولا يعذرك الا من عاشه
لم استطع وصفه .. ولم يسمح لك القدر بوصفه
فلتتحدث الصورة



Skydiving
28-04-2010
الارتفاع: خمسة كيلوات
المكان: أورلاندو, فلوريدا 
الوصف: أروع تجربة عشتها في حياتي

19 comments:

جنون الصّمت said...

مغامرة رائعة منكم !

واضح جداً انها كانت تجربة ممتعة ^^

استمتعت بالوصف كثيراً

الحمدلله على السلامة

ودمت بتجارب ومغامرات ;p

قياديه طموحه said...

لحظات مشوقه
وتجربة الطيران ممتازة
ومنظر الارض بوصفك عجيب

*_^

حَافِـيَةُ الَقَدمَيّـنْ ولِبَاسِي المَطـرْ said...

امبييييه !

ما خفت ؟ .. احس شعور يخوف
بس الأحلى الشعور اللي يالك

بشنو حسيت أول ما قطيت نفسك ؟
يتراوالي خذيت شهقه .. وزفرتها بحريه
مجازفه رااائعه
أتمنى امتلك هالشجاعه

BookMark said...

وااو !!

مرتفعات وتحليق !!

أبي !!

الصورة اتبجي !!

:')

أعلى مكان قفزت منه انا الي بمنتزه الشعب
;(

***
كلمات جميلة

وتجربة مثيرة أكيد ماراح تنساها طول حياتك

(إذا ماحلمت فيها كل يوم)
;)

لولا الأمل said...

جنون الصّمت

جدا جدا ممتعة !!

الله يسلمج من الشر

لووول دمتي للصمت جنون :P

لولا الأمل said...

قياديه طموحه

كانت جدا مشوقة

شكرا من ذوقج

يسعدني تواجدج دائما

;)

لولا الأمل said...

حَافِـيَةُ الَقَدمَيّـنْ ولِبَاسِي المَطـرْ

لوووووول .. والله ما اجذب عليج واسوي عمري بطل

ما بقى سورة بالقرءان ما قلتها .. ولما طمرت تشهدت

المنظر كان يخوف .. بس اللي مطمني اني هالرياضة جدا آمنة .. عشان جذي تجرأت وسويتها :D


والله لو اقدر اوصف هالشعور جان كتبته .. بس صعب

سعادة خوف فرح دموع .. شعور يديد ما ينوصف !!

بالصورة كنا للحين ما سحبنا البرشوت .. لما سحبنا البرشوت قعدنا نسولف انا والمدرب بالجو .. ونااسة !!

لولا الأمل said...

BookMark

صدقيني شعور غير .. مو نفس شعور الشعب

هناك تطيرين .. وجنج واقفة مو قاعدة تنزلين !!

لووول صارلي جم يوم اشوف الفيديوات . وللحين منصدم !!

حدها جميلة :D

لولا الأمل said...

Msha3r said...
الحمد لله على السلامة... تجربة أراها رائعة و لكنها مخيفة إن لم يخبني الظن.

---
لولا الأمل:

جدا مخيفة ... لكن ينتهي الخوف حين تقفز .. وتبدأ المتعة !

يسعدني تواجدج : )

Arweena said...

كانت زيارتي الأولى هنا ~
وشدني هالبوست وايد ؛

~
كم أتمنى أن أعبش هذه اللحظة =)
وحلمٌ انتظر تحقيقه يوماً ما !
~


يااااحظك !


مدونة جميلة ، سأكون هنا =)

نبضُ الأدب said...

amazing .. !

على الرغم من وصفكم الممتع .. إلا إني مستحييييل أسويها .. !ا

شعور مُخيف =/ وإن كان ممتعًا =) ا


يمكن أفكر أسويها بيوم تخرجي ;p
نطلّع الكبت :p

حافظكم الله

سمو الأميرهـ ..ツ said...

تستاهل تجربة الطيران الممتعه والشيقة..بعد كراف الدراسة ...

عقبالنا بعد ما نخلص الامتحانات
:)

دمت بخير أخي

Anonymous said...

اخوي بغيت اسال شلون انشر مدونتي على جريده الوطن

لولا الأمل said...

Arweena

كم أسعدتني تلك الزيارة

بالفعل شعور جميل .. وأتمني أن تجربيه

حياج الله اختي .. وان شالله تتكرر هالزيارة

: )

لولا الأمل said...

نبضُ الأدب

amazing !

هذي الكلمة اللي قلتلها لما سألني بالجو .. شلونها؟

لوول

ما طلعتي على بوكمارك :P

لوووول

بالتوفيق ان شالله .. ومبروك التخرج مقدما


حافظج الرحمن

لولا الأمل said...

سمو الأميرهـ ..ツ

لووول اي والله

يالله بالتوفيق وشدو حيلكم هانت : )

مشكوره على تواجدج الدائم : )

لولا الأمل said...

Anonymous

اتوقع هم اللي يختارون .. لأني ما سويت شي وحطو مقالتي
وكل زملائي قالو نفس الشي
فهم اللي يختارون : )

أنثى من حرير said...

جميله تلك الحياه بكل مغامراتها
والأجمل قوه قلبك

..

وكل مغامره وانت بخير

لولا الأمل said...

أنثى من حرير

شكرا آنسة الحرير على اطراءك

يسعدني تواجدك